कोरोना गीत

या कोरोनाने किती छळलं गं बया

साऱ्यांनाच घरात बसवलं गं बया

सर्व कारखाने दुकाने आहेत बंद

रोजचा कामधंदा भी आहे मंद

कोणाच्या चेहऱ्यावर नाही आनंद

सर्वांचे भविष्य झालंय अंदाधुंद

काहीच सुधरणा चाललंय गं बया

साऱ्यांनाच घरात बसवलं गं बया

कुण्याच्या घरात जायचं नाय

कुणाच्या दारात थांबायचं नाय

हातात हात मिसळायचं नाय

कुणाच्या मौतीला भी जायचं नाय

कसे विपरीत दिस आलंय गं बया

साऱ्यांनाच घरात बसवलं गं बया

शिक्षण नसल्याने पोरं झाली बेजार

अनेक युवा तरुण झाले बेरोजगार

कामाला मिळेना कोणी एक कामगार

बाजारताला ठप्प झाला पहा व्यवहार

प्रत्येकाचं गणित बिघडलं गं बया

साऱ्यांनाच घरात बसवलं गं बया

आमची संकटातून सुटका कर ना

हात जोडून करतो आम्ही प्रार्थना

लवकर निघून जा रे बाबा कोरोना

आम्हाला सुख शांतीने जगू दे ना

देवाला असं नवस केलं गं बया

पुढे चांगले दिवस येतील गं बया