कन्यादान

कन्या दान,

कन्येचे दान,

नाही मनाला पटत

ही प्रथा, ही रीत ,

नाही मनाला रुचत.

कन्या घरची लक्ष्मी,

घरची बेटी, धनाची पेटी 

अंगणातली पवित्र तुळस

देवापुढची अखंड तेवणारी ज्योती.

माझी कन्या माझा जीव की प्राण

माझ्या कुटुंबाची लखलख चांदणी

घरातले निखळ -निरागस सौन्दर्य

मनातली गोड गाणी- मधुर वाणी .

हे सारे दान करायचे?

आयुष्य खर्ची घातले

कन्येच्या गाली हसू फुलण्यासाठी

म्हणून कन्यादान वाटते सजा.

ही अग्नी परीक्षा नको देवा मारू माथी

वेगळा पर्याय असुदे वाटे मज फार भीती.