किनारा

किनाऱ्यावर उभा राहून

समुद्रातील पाणी पाहतो

तेव्हा सर्वत्र पाणीच दिसते

त्यात निळे निळे आकाश

दूरवर काही दिसत नसते

पाण्याला असतो किनारा

लाटा जाऊन परत येतात

समुद्रातील चढ उताराचा

एक अनुभव घेऊन जातात

मानवी जीवन आहे मुळी 

अथांग खोल दूरवर पसरलेल्या

समुद्रातील पाण्यासारखे

जोरजोरात आवाज करीत

किनाऱ्यावर धडकणाऱ्या

सागरातील लाटासारखे

अनेक सुख दुःख येतात

जीवनाची परीक्षा घेतात

यात उत्तीर्ण झालेले लोकंच

यशस्वी जीवन जगतात

संकटाला घाबरणारे लोकं मात्र

स्वतःचे धैर्य गाळून बसतात

पाण्याबाहेरील माश्यासारखे

तडफडून मरून जातात