खुल्या आसमंतात

खुल्या आसमंतात या

विरघळले स्वप्न माझे

मुक्त संचार करण्यासाठी

दरवळले श्वास माझे

    खुल्या आसमंतात या

    स्वच्छंदी प्रतिबिंब माझे

    वाऱ्यासवे बावरले

    मन चिंब-चिंब माझे

खुल्या आसमंतात या

सुखाच्या लहरी सुरेल

नादमधूर संगीताचा

आसमंतात उरेल

    खुल्या आसमंतात या

    मन पाखरू होऊनी

    फुलासंगे गूज त्याचे

    झंकारले काननी

खुल्या आसमंतात या

भाव विश्वाचे रंगले

तुझ्या रंगी रंगूनी

अवघे विश्व माझे बनले.........