खरं प्रेम

वेलीवरचं फूल तोडण्याइतकं

सोपं असतं वरवर ते दिल तोडणं|

तेच फूल देऊन करू पहातात ते

एखाद्या मुलीशी दिल जोडणं ||१||

ह्यांचं दिल दिल नसतं हॉटेलिंगचं

गलेलठ्ठ बिल असतं |

अन्यथा तिला असं वापरून

चुरगाळून फेकून दिले नसतं ||२||

खर तर प्रेम म्हणजे प्रेमच असतं|

एकमेकांसाठीच उरायचं असतं||३||

राजरोस असं प्रेमाचं प्रदर्शन

गावभर मांडायचं नसतं|

एकमेकांच्या भल्यासाठीच

गावाशीही भांडायचं असतं ||४||

आपलं घर शेवटी आपणच

ते सावरायचं असतं|

दोघांनीही मग वासनांना क्षणिक

आवरायचं असतं ||५||

निकोप समाज रचनेसाठी

बलिदान ते करायचं असतंं|

स्वार्थापेक्षा केव्हाही समाजहित

रक्षण करायचं असतं ||६||

आपलं चांदणं आपण होऊन

आकाशात पसरायचं असतं|

असत्य स्वप्नील भासलं तरी

खरं करुनच बघायचं असतं ||७||

आपल्याने हे होणार नसलं तर 

विनाकारण प्रेम करायचं नसतं|

मनात सारं सामावून घेऊन

दिलदारपण धरायचं असतं ||८||

एखादीच्या भावनांशी खेळून

यांचा होतो छानच टाईमपास|

रुपावर भाळलेली तीच सत्य

उमगलता आवळते गळफास ||९||

रोडरोमियोंचा खेळ तर एखादीचा 

त्यामुळे जीव जातो|

Valentine's day चा अखेरीस

चुकीचाच संदेश जातो ||१०||