कहर...कोरोनाचा

कोरोनाची आली मोठी लहर

नावानेच गाजतयं ते शहर

कोणी दिसे ना तो बाहेर

केलाय म्हणे कोरानाने कहर

आयुष्याचा खेळ खंडोबा झाला

सुखी संसार तो उघड्यावर आला

नव्याने संसार उभारु लागला

काटेकोर त्याने नियम पाळला

महामारीने उपासमार ती झाली

सामान्य जनतेला नाही कोणी वाली

पोटाची खळगी भरण्या निघे बाजारी

निराश मनाने परते अपुल्या दारी

कामधंदा सर्व गमावून बसला

कोरोनाच्या भोवऱ्यात तो गवसला

झुंज देत देता अपयशी ठरला

घरचा कर्ता करविता गमावला