खेळणी

मातीची असो की प्लास्टिकची

रडणे थांबवते बरं ही बाळांची

मुलगा मुलगी नसेच भेदभाव

जाती धर्माचे हिला नसे भ्याव

मानीत नाही गरीब व श्रीमंत

आनंद वाटे तिला खेळविण्यात

काही फरक पडत नाही ऋतूंचा

उन्हाळा हिवाळा अन् पावसाचा

आजिबात जागेचा नसतो कधी मेळ

जिथे मिळेल जागा मांडायचा खेळ

वेळ काळाचे तर मुळीच भान नसणं

अर्ध्या रात्री उठून खुशाल खेळणं

यात्राजत्रेत हमखास नजरेस पडे

घेण्यासाठी मग ढसाढसाच रडे