कायदा

डोळ्यात तुझ्या तीच मादकता 

जशी होती कॉलेजमध्ये

नजरेत तुझ्या तीच ओढ 

जशी होती वर्गामध्ये।।

तुझ्या तिरप्या कटाक्षावर 

झाले होते कित्येक फिदा 

मी मात्र होतो घायाळ 

पाहून तुझ्या सगळ्या अदा।।

का नाही घेतलास पुढाकार 

जरी कळत नव्हते काही मला 

आपलाही संसार फुलला असता 

हक्काने घरी आणले असते तुला।।

आजही करतेस तेवढेच प्रेम 

जरी असलीस दुसऱ्याची 

मनात नसले जरी अंतर 

रेषा आड येते कायद्याची।।