कार्यकारी पंथ

परंपरा आहे भक्ती भावाची

महाराष्ट्र भूमी साधू संताची

व्यथा मांडतो कार्यकारी पंथाची

घराणेशाहीची काठी

कार्यकर्ते तुमच्या हाती

निवडणूक जवळ आली

खुर्च्या चपला उचलायची

लावा तो डीजे म्हणायची

वेळ आली.....

चेहरा कुठे बदलतो

रंग बदलतो झेंड्याचा

चिन्हांचं काय?

लांडग्याबरोबर कुत्राही चालतो

तू तर भावाशी वैर करतो

नाती तोडून गठबंधन जोडतो

नेता षंढांचे टाळ वाजवत

वारी दुसऱ्या पक्षाची करतो

एका शब्दासाठी

बांधून आहे एकनिष्ठेशी

घराणेशाहीची काठी कार्यकर्ते

तुमच्या हाती

वचनपूर्ती गणपती

हे नाही महारथी

नवसाला निवडणूकीलाच पावतो

पाच वर्ष तु धावतो

वारकरी तू माऊलीचा

नाही तू या चोरांचा

श..शब्द भिंगुर

अमोल धों सुर्यवंशी