जयंती

रंगात भिजती सारे रस्ते

दाखवती शक्ती पक्ष सारे

जयंती ज्याची बॅनरवर चित्र त्याचे छोटे

स्वागत, अभिवादन पक्षकर्त्याचे चित्रच मोठे

भगव्यामध्ये निळा

निळ्यामध्ये हिरवा

न भिजले हे रंग एकमेकांत

न समजले जयंती साजरी होणाऱ्याचे चरित्र कोणा

आधुनिक मावळे सांगकामे नुसते

हाती झेंडे घेती मिळेल जास्त पैसे जिथे

सकाळी एक झेंडा, दुपारी दुसरा

माथे फिरल्यास दंगल करती आपापसात