जीवन संघर्ष

जीवन संघर्ष।प्रत्येक पाऊली।

सुख दुःख आली।अनुभवा।।१।।

धैर्याने सामोरे।साधक बाधक।

विचार कितीक।करूनिया।।२।।

यश अपयश। संघर्ष करता।

ईश निवारता।ध्यानी घ्यावे।।३।।

खंबीर आचार।लढण्याचे बळ।

कार्यसिध्दी फळ।मिळेल हो।।४।।

लकाकी कर्तृत्वा।संघर्षाने येते।

मनोधैर्य देते।जीवनात।।५।।

संघर्ष अंतरी।करू योग्य तेचि।

सत्य अवघेची।निवडूया।।६।।

स्वार्थासाठी नाही।झुकायचे कधी।

शिकवण साधी।बाणायाची।।७।।

तत्ववेत्ते थोर।समाजधुरिण।

जे संघर्षाविन। सिध्द नाही।।८।।

भावसंघर्षाने।संयम साधना।

उदात्त जीवना।होई प्राप्त।।९।।

वर्णिते महत्त्व।जीवन संघर्ष।

घेत परामर्श।आयुष्याचा।।१०।।