झळ

जन्माला येणारा प्रत्येकजण सोसतो कळ

प्रत्येकालाच सोसावी लागते येथे दुःखाची झळ

सहजासहजी येथे मिळत तर काही नाही

फुकट मिळाल्याचे किंमत कळत नाही

टपकु द्यावे लागते श्रमाच्या घामाचे ओघळ

उन्हाचे चटके बसल्यावर सावली कळते

दुःखानंतर येणाऱ्या सुखाचे महत्व कळते

विनासायास कधीच मिळत नाही फळ

अनुभव आल्याशिवाय काही कळत नाही

तोच मोठा गुरू त्याशिवाय कोणी पळत नाही

अनुभवाच्या गंधाने होई कामाची दरवळ