जाणता राजा

त्या गर्द काळोखात

भयभीत जनता होती

सडेतोड लढ्यासाठी 

सूर्याची वाट होती...१

तडपला रत्न तेजस्वी

जिजाई मर्दानी पोटी

घडवले त्यांस अद्भुत

सूर्यतेज ओतूनी कोटी... २

स्वराज्य स्वप्न पाहिले

स्वयंभूची शपथ घेऊनी

मावळे जमवूले साथी

नवप्रेरणा चेतवूनी... ३

कैक आले रिपू गेले

 मुघलदल चक्रावले

मुर्त अदम्य साहसी

युक्तीपुढे शक्ती ना चाले... ४

गडकिल्ले शान अनोखी

वैभवीच महाराष्ट्राची

आशीर्वत हेच चिलखत 

पर्वा नच केली जीवाची... ५

सर्वधर्मीय बंधुसम त्यांसि

स्रीयांसाठी तारणहार

युगप्रवर्तक होणे नाही

आता पुन्हा या महीवर...६

जय हो माता जिजाऊ

जय जय हे शिवराया

प्रार्थिते यावे एकदा

मातल्या जनांस उद्धाराया... ७