जाणता राजा

जन्मला शिवबा शिवनेरीवरी

घेऊनी स्वराज्याची तळमळ उरी

घडवला जिजाऊने हा राजपुत्र

दिले हाती स्वराज्यासाठीचे सूत्र ||१||

शब्द तोकडे वर्णाया शिवबाची महती

ईशस्वरूप हे माझे छत्रपती

खरोखर होता जाणता राजा

प्रयत्न सदा सुखी ठेवण्या प्रजा ||२||

मानी परस्त्री मातेसमान

करी स्त्रीचा सदैव हा सन्मान

असा हा आचारवंत पुण्यवंत राजा

सदैव धर्मनिरपेक्षितेचा गाजावाजा ||३||

जाण त्यास गोरगरिबांची

संरक्षित केले जन सकळची

जरबीने संहारीले कैक दुष्टांसी

गनिमीकाव्याने जिंकले गडकिल्ल्यांसी ||४||

मावळ्यांप्रति सदा मित्र भाव

शत्रूचा सहज उधळती डाव

नि:पक्षपातीपणे न्याय देती क्रमवार

अश्या या छत्रपतीस मुजरा त्रिवार ||५||

सौ. शीतल ईशी 

मनस्वी कलाकार