जादू

कोणास ठाऊक कसे

आईने आणले मासे

माशांनी हलवले शेपूट

आईने मारली चापट

खोट्या खोट्या प्रेमाने जसे

माशाने वटारले डोळे

करतोय शेपटीने चाळे

आईने आणला विळा

माशाने काढला गळा

घाबरून रडतोय जसे

लाल पांढरे पिवळे

बरणीत टाकले सगळे

बाचाबाची त्यांच्यात झाली

 आईने युक्ती केली

खायला देऊन खाऊ

शांत केले जरासे

लाल घमेंडी भारी

पिवळ्याची तर्‍हाच न्यारी

एकदम सभ्य वाटे पांढरा

आईला प्यारा असे

पाण्यात जादू झाली

एकत्र फिरू लागली

आई आनंदी झाली

नांदतेय कुटुंब जसे