इवलेसे फुलपाखरू
इवलेसे फुलपाखरू
छोटेसे फुलपाखरू, त्याचे रंग किती छान |
निळा पिवळा सोनेरी, रंगाची सुंदर कमान ||
इकडून तिकडे फिरतो, चंचल याचे मन |
आनंदाने तो जगतो , मोहतो प्रत्येक क्षण ||
पाण्याचा बुडबुडा सारखा तो नाजूक |
त्याच्या उडल्याने मन, होते मोठे साजूक ||
फुलांच्या रंगीत दुनियेत, होते फुलपाखरू दंग |
फुलांवर बसून टिपते, त्यांचा तो विविध रंग ||
फुलांच्या मकरंदावर, आकर्षित हा होतो |
फुल ही त्याच्या स्पर्शाने सुखाऊन जातो ||
इवले इवले फुलपाखरू,पानाफुलात हसती |
लाल गुलाबी पिवळे, ठिपके अंगावरती असते ||
रंगीबेरंगी पंख फुटूनी,ऐटित हे गोजिरे |
फुलांवरती पिंगा घालायला, उडती फुलपाखरे ||