हुंकार

मित्रांनी मला दिली

प्रेरणा लिखाणाची

आणि शब्दात उमटली

कविता आयुष्याची

शब्दाने शब्द जुळवता

गणित शब्दात मांडले 

शब्दरूपी जणू मोती

माझ्या कवितेत सांडले 

उठवला आवाज तेव्हा

जिथे अन्यायाची सीमा झाली

शब्दाच्या तलवारीची

कवितेला धार आली

गळून पडला नवा खास

जिथे तिथे अहंकार

प्रकटला जगा समोर

माझ्या लेखणीचा हुंकार

आता मात्र कविता असते

भाकरी, बेकारी, दारिद्र्याच्या शोधात

गल्ली, उड्डाणपूल , तर कधी

माणसातील माणसाच्या शोधात