हसला फळा शेवटी
हसला फळा शेवटी
1 min
345
हुरहूर दाटून आली होती
शाळा आज भरणार बाई
मुलं सारी तर या दिवसाची
मनातून वाट सदैव पाही.....
ती किलबिल ती अपूर्वाई
पुन्हाऽऽ सुरू होणार आज
मैदानावर मुलं आज मित्रांसवे
खेळताना चढवणार नवे साज.....
शाळेतील ती प्रेमळ शिस्त
डोळ्यापुढे आता येत होती
' शाळा ' नावाची ही पवित्र वास्तू
मुलांच्या आवाजाने हो नाचती....
हसला बाई फळा शेवटी आता
नाचू लागले रंगीतसंगीत खडू
मुलांनो अरे खूप दिवसांनी भेटला
नका न एकमेकांची खोडी काढू....