हिंमत माझी

जगण्यातल्या तत्वावर

आहे मी प्रतिबध्द

सर्व आहे आकाश माझे

मिळवण्या मी झाले सिध्द

मी आहे चंडिका

मीच आहे रणरागिणी

मीच आहे जगन्माता

मीच शिवबाची हिरकणी

येतील कितीही संकटे

आता मागे वळणार नाही

टाकली ही कात आता

मी पून्हा हरणार नाही 

चढून जाईन मार्गातले

सहज राने अन् गिरीशिखरे

हिंमत पाहूनी माझी

भरतील जनाना कापरे

फुंकले आहे रणशिंग हे

तोडल्या बेडया परंपरांच्या

मी पुरून उरेन येथे

जरी पोळले आगीत वास्तवतेच्या