हिंदोळे ...

 हे हिंदोळे कधी थांबणार ? 

माहीत नाही मला . 

पण , आताशा मजा यायला लागलेय ,

 या हिंदोळ्याची .

 कुठपर्यंत नेतील वाहून , अन्

 कुठं मला सोडतील ? 

माहीत नाही मला ! 

अन् आता पर्वा ही नाही . 

आता या हिंदोळ्यांचा लगाम ; 

मी घट्ट पकडलाय , 

बुडणार तर नक्कीच नाही . 

आता 

या हिंदोळ्यावर हिंदोळण्याची , 

सवय झालेय मला , 

आणि 

अतिशय सफाईदारपणे , 

मी ढकलून दिलय , त्यांना , 

माझ्या अंतरंगातून बाहेर . 

बाहेर त्यांचे फक्त तरंग उमटतात ; 

उमटू देत ! 

हे हिंदोळे कधी थांबणार ? 

माहीत नाही मला , 

कदाचित , माझ्याबरोबरच शांत होतील ; 

एकदाच , कायमचे !