गुरु महिमा

कर्तव्याची आम्हा

करुन देण्या जाण

झिजवत स्वदेह

चंदनासमान... १

तिमिरात अज्ञानाच्या

गुरु लाभेना शोधून

मात्र कुण्या जन्माची ही

माझी पुण्याई महान... २

गुरुमहिमा वर्णावया

यत्ने शब्दांची गुंफण

अल्पमती शब्दांवरी

गुरु पियुषी शिंपण... ३

अहोभाग्य हे लाभले

धन्य धन्य हे जीवन

दिव्य तेजात मी न्हाले

कसे फेडावे हे ऋण... ४

वाट सम्यक ज्ञानाची

मज दाविली आपण

गुरु महिमाच थोर

देवाहुनी जो महान... ५

साऱ्या धनांहुनी अनमोल

जीवा लाभले हे धन

लक्ष्य जन्माचं साधलं

पदरी साफल्याचं दान... ६