गुलाबी हवा....
गुलाबी हवा....
1 min
264
रजा शरदाने घेता
आला हेमंत शिशिर
चुणुकली ही गुलाबी
थंडी भरे शिरशिरं... १
लागे चाहूल थंडीची
शाल धुक्याची धवल
अमृताचं लेणं ल्याली
रुप सृष्टीचं सजलं... २
श्वास भिजला श्वासांत
देई साद गोठलेला
विरघळे जीव जीवा
मीठीमध्ये थिजलेला... ३
तुझा सहवास मज
वाटे प्रिया हवाहवा
देही झोंबता गारवा
चेतवतो रे वणवा... ४
तनु पुन्हा शहारली
मधू प्रीत जीवघेणी
सेज सजलेली ये ना
गाते मारवा यामिनी... ५
मंद गुलाबी हवा
सजलेली रातराणी
धुंदीत रंगू दे निशा
मोहरल्या या क्षणी... ६