गुलाब
गुलाब
1 min
315
गुलाबाचे गोड फुल
आवडते सर्वांना
विविध रंगात जणू
गुंततात भावना
सुंदर अन् डौलदार
थाट असे आगळा
अाबाल वृद्धांनाही पहा
लागतो त्याचा लळा
चाचा नेहरूंच्या असे
कोटाची तो शान
हृदयाशी राहण्याचा
मिळे त्याला मान
कधी सजे फुलदानी
कधी विणतो हार
प्रेयसीच्या हातातील
फुल कधी सुकुमार
रक्षणाला असे जणू
दाट काट्यांचा पहारा
टोचणाऱ्या काट्यांशीही
मैत्रीचा हा मंत्र न्यारा
गुलाबाकडून शिकावी
मैत्रीची ही परिभाषा
निरागस मैत्रीत कशा
फुलतात दाही दिशा
मने जोडण्याची कला
आहे त्याची आगळी
त्याच्या सौंदर्यात असे
नशाच ही वेगळी