गुढीपाडवा
गुढीपाडवा
स्वागत या नववर्षाचे
करूया आनंद उत्साहाने
झालर सुखाची लावूनी
गुढी उभारू नव्या संकल्पाने-१
शिशिरातली पानगळ झडुनी
वसंत फुलला नव्या बहरांनी
राम आयोध्येसी आले परतुनी
आजच्या मंगलमय शुभदिनी--२
नवे संकल्प नवीन आशा
नवीन विचारांची नवीन दिशा
दुःख,मरगळ जाऊनि सगळे
सुखी जीवनाची नवी परिभाषा--३
साडेतीन मुहूर्तापैकी एक
पाडवा हा शुभ मुहूर्त
शुभ कार्याला करोनि सुरुवात
सुखात जावे सगळ्यांचे वर्ष--४
विजयाचे प्रतीक गुढी उभारू दारी
गाठी, हार, आंब्याची डहाळी
गुढीला काढू स्वतीक लावू चंदन
मनोभावे हात जोडून करू वंदन