गंध मैत्रीचा

गंध मैत्रीचा भिनला

जीवनात अंतरंगी

श्वास बनला खरचं

मैत्री आहे बहुरंगी....||१||

क्षण असो कोणताही

गंध मैत्रीचा दरवळी

वाटेकरी भावनांचा

मित्र असतो जवळी....||२||

येता ते रडवणारे

दुःखी कष्टी कधी क्षण

हात देत खांद्यावर

मित्र धावी विलक्षण....||३||

होई सुखात आनंदी

तुझे माझे नसे तिथे

एकरूप जग असे

गंध मैत्रीचा रे जिथे....||४||

नसे हेवा आणि द्वेष

फक्त आपुलकी मनी

समजून घेण्यासाठी

बन मैत्रीचा व्यसनी....||५||

गंध मैत्रीचा जगात

आनी चैतन्य अपार

जप मैत्रीभाव सदा

सुख बघ वाढणार ....||६||