घे रडून

मिळालंय वेळ तर आजच घे रडून

किती दिवस राहणार आहेस सडून

मिळेना कामधंदा फिरतो गर गर गर

मुलाखती देऊन त्याला येते चक्कर

ओरडू नको आता काय होणार चिडून

किती दिवस राहणार आहेस सडुन

शिक्षण घेतलं खूप शिकला नाही काम

रोजगार केल्याविना मिळेल कसे दाम

नोकरी मिळेना म्हणून घरी आहे पडून

किती दिवस राहणार आहेस सडुन

सोबती असलेले गेले पुढे केली प्रगती

घरातच बसून जगभर करतो भ्रमंती

मिळेल कसे काम बसलंय पाय दुमडून

किती दिवस राहणार आहेस सडुन

कोणी मदत करतील नको ठेवू आशा

सध्या कुणावर ठेवू नकोस भरवसा

काही तरी शिकून घे इतरांकडून 

किती दिवस राहणार आहेस सडून