गडकिल्ले

 

सह्याद्रीच्या कड्याकपारीत

गिरवीत होते धडे गनिमिकाव्याचे

सर केलेत एकामागून एक गडकिल्ले

तोरण बांधले स्वराज्याचे

मूठभर मावळे जिंकत होते

स्वराज्याची एक एक ढाल

गड येत होते पण सिंह जात होते

सुराज्याची पेटत होती मशाल

किल्ल्याभोवती खोदली खंदके

काटेकोर सुरक्षा केली गडांची

रयतेचा राजा न्यायी कर्तव्यदक्ष

सिंधुदुर्गासाठी फाडली छाती समुद्राची

बाजीप्रभूंची घोडखिंड जाहली पावनखिंड

हिरकणीचा बुरुज आठवण रायगडाची

मायलेकरांच्या प्रेमाची देते ग्वाही

यथायोग्य सन्मान हिंमतीच्या धाडसी शौर्याची

अभेद्य किल्ले शिवरायांचे

ऐकापेक्षा एक सरस आहे

जन्ममृत्यू दोन्ही गडांवर

योगायोग विलक्षण आहे

गडकिल्ल्यांची काय सांगावी महती

इतिहासाची आहे गौरवगाथा

असा राजा आता होणे नाही

तेजोमय, कणखर बाण्यावर टेकवावा माथा