गागरा

गोंधळच उडाला माझा

गागऱ्याचा आला लोट

उडाले कपडे नि कचरा

झाली कामाचीही खोट

वैतागली बायामाणसं

डोळ्यातच गेला कचरा

चोळून डोळे होता लाल

अश्रुंचाही झाला निचरा

सुचेना साऱ्यांना काहीच

करावा काय बरे उपाय

जमले सारे एका जागी

माझा घरी बसण्या पर्याय

शमले वादळ यथावकाश

गागराही जमला भूईवर

केसांत बसला अडकून

ढीग जमला मग डोईवर

पावसाचे घटलेय प्रमाण

जलसंचयही आपण करू

गागरा खाली बसवायला

त्यावर पाण्याचा मारा करू