एकदा तरी जग स्वत:साठी

जन्माला येतेस आई वडिलांच्या सुखासाठी

त्यांना सुख देतांना जगत असतेस कुळासाठी

बहिण होतेस भावाची देण्या त्याला प्रेमासाठी

भाऊरायाची ताई होतांना जगत असतेस भाचरांसाठी

पत्नी होतेस कोणाची शय्यासोबत करण्यासाठी

होतेस दुसऱ्या घरची सुन जपण्या त्यांच्या घराण्यासाठी

आई होतेस सुखावतेस झटतेस त्या लेकरांसाठी

सतत पाठपुरावा करतेस त्यांना संस्कार देण्यासाठी

सासु होतेस जबाबदार सुनेला सांभाळून घेण्यासाठी

रमून जातेस नातवंडांत मुलाचा संसार फुलवण्यासाठी

अगं बघ ह्या सगळ्यात तुझे अस्तित्व फक्त इतरांसाठी

असतील ते तुझेच तरीही तू जगणार कधी ग स्वतःसाठी

झटकून टाक पाश हे सारे झेप घेण्या उंच

गगनी हो मुक्त हो लुप्त हो बेधुंद

एक गगनभरारी घेण्या तव प्रांगणी