एक होता छबू

अंगावरती सुरकुत्या 

करून तोंडाचा चंबू 

सांगते पहा

एक होता छबू 

भलताच ढबू

तेच काय सांगतेस गं आजी 

दुसरं काहीतरी सांग पाहू

अरींग मिरिंग लवंगा चिरींग 

चिरता चिरता डुगडुग बाजा

गाय गोफ उतरला राजा 

आजी... गं ...आजी ....

एवढी मोठी आजी 

गोड गोड गाण्यातून रुजवते 

संस्कारांची अनमोल पुंजी

 

आजी की तू हरवलेली दुधावरची साय 

आई भासे साखर मजला,

आजी मध असते काय ?

आजी तूच कविता, गोष्ट आमची 

आई बाबा प्रेमाचे चार आणे,

आजी तू मायेचा रुपया