दत्त दत्त दत्त
दत्त दत्त दत्त
दत्त दत्त दत्त,साक्षात साकार
ईश्वरी प्रतिक,पुजले गा।।धृ।।
गुरुदेव दत्त, ज्ञानाचा आधार
गुरु वर्य मज,लाभले गा।।१।।
परमेश सुक्ष्म,मनाचा गाभारा
गुप्तपणे देवा, फुलले गा।।२।।
काया वाचा मने,चैतन्य आधारे।
अवघाची दत्त, जाहले ग।।३।।
बहिर्मन आता, अंतर्मन आता
जाणिव नेणीव,रुजले गा।।४।।
गाय माता रुपी ,शक्तिपीठ रुपी
अधिष्ठान कुंड, पेटले गा।।५।।
श्वान रुपी श्वास,जगणे आधार
हाती तो त्रिशूळ,गमले गा।।६।।
काखेत ती झोळी,ज्ञानाचा स्विकार
मुखी दत्त दत्त,भजले गा।।७।।
दत्त एक आत्मा, चालता बोलता
सत्य अवधूत,रुजले गा।।८।।
चार वेद कुत्रे,वृक्ष औदुंबर
कामधेनू गाय,सजले गा।।९।।
शंख आणि चक्र, विष्णूंचे प्रतिक
त्रिशूळ डमरू,वाजले गा।।१०।।
कमंडलू झोळी,नित्य जपमाळ
अहं भाव नष्ट,जाहले गा।।११।।
अवधूत कृपा, दिगंबर कृपा
औदुंबर कृपा, पावले गा।।१२।।