दोन बाळंतीण

धोधो बरसत्या पावसात 

पोटात माझ्या कळ आली

मला एक बाळ झाल

गोड बातमी आली

          धोधो पडत्या पावसात

          कुत्री बाळंतीण झाली

          तिने पिल्लांना जन्म दिला

          तिची तारांबळ उडाली

माझ्या एका बाळासाठी

आजी, आजोबा,बाबा,आई

ती बाळांना घेऊन फिरते

तिच्या बाळांना फक्त आई

              मी खाते मेव्याचे लाडू

              तिला भाकरीचा कोर ही नाही

              ती बाळंतीण मी बाळंतीण

              पण आमच्या काही मेळ नाही

सतत मेला पाऊस पडला

तिने एक एक जीव गमावला

मी बिचारी पाहत होती

की ती बिचारी सोसत होती