दिन सोन्याचा
दिन सोन्याचा
तिरंगी झेंडा पहा फडफडे
जय जयकार बोला
आज मिळूनी या बंधुंनो
करू दिन सोन्याचा साजिरा..
पुन्हा आढावा घेऊ नव्याने
त्या विर आहुतींचा
स्वतंत्र करण्या भू-मातेला
ज्यांनी प्राण आपुला त्यागीला..
कुणी गमाविला पुत्र आपुला
उतारवयाची काठी
कुणाचा तो बाप होता
तर होता कुणाचा धनी..;
शतशः वंदन त्या मातेला
गर्व त्या विधवेचा करू
न ढाळता अश्रू ज्यांनी
ठेविले, वंदे मातरम्! वंदे मातरम्! सुरू...
जन्मले नसते आंबेडकर
राज्यघटना निर्मिली नसती
न्याय, स्वातंत्र्य, समता, बंधुता
कुणास कळली नसती..;
त्यांच्या स्वप्नातील भारत
चला मिळूनी निर्माण करू
स्वत:त जागवू लाखो भगतसिंग
सुखदेव, राजगुरू...
सत्याची बंदूक घेऊन हाती
भ्रष्टाचाराचा नाश करू
पुन्हा एकदा या मातेला
साऱ्या पाशातून मुक्त करू...
लहरवू या तिरंगा आपुला
प्रत्येक कडे कपारी
पुन्हा गर्जू जय-जयकार क्रांतीचा
सळसळत्या रक्तांमधुनी...
भविष्य आपण या मातेचे
अभिमान उरी बाळगू
'वागू सत्याने' ही शपथ घेऊनी
दिन सोन्याचा साजिरा करू...!!