दिन गुलाबी थंडीचे

मंद मंद शित वायू

दिन गुलाबी थंडीचे 

कवी मनाला भुरळ 

दव शिंपतो शब्दांचे 

ऋतू शब्दांत मांडला

केला खुलासा थंडीचा

उधळून शब्दमोती 

झाला उदय काव्याचा 

धुंद कसा गारव्यात 

झाले नवल देहात

झाली किमया अजब

झाला बदल मनात

शब्द शब्द जुळवणी

विन जणू ती बंडीची

विचारांच्या शेकोटीत 

उब मिळते ज्वालेची

गारव्यात होते कधी

भावनेची घालमेल

गोड अनुभव सारे

शित क्षण ते अमोल 

ओढ लागली देहाला 

शित स्पर्श हवाहवा 

रम्य जीवन घटिका 

जन्म वाटे नवा नवा 

हरएक क्षण कैद

साठा विपुल मनात  

व्यक्त होतो मुक्तपणे 

आज गुलाबी थंडीत