ध्येय वेडा....

जिद्द असेल । तरच उडणे ॥

मगच जिंकणे । शक्य होई ॥

चांगले कर्म कर । तयारीला लाग ॥

फुलेल सुंदर बाग । जीवनाची ॥

चंदनाप्रमाणे । देह झिजावा लागतो ॥

तेव्हा सुगंध मिळतो ॥ आयुष्याला ॥

निंदा करेल जग । हार मानू नको ॥

मागे फिरू नको । ध्येयासाठी ॥

मनी ठेव स्वप्न। ध्येय गाठण्याचे ॥

चीज होईल आयुष्याचे। तुझ्यासाठी ॥

कलेला जप । दाद मिळेल ॥

तुझी किंमत कळेल । जगामध्ये ॥

संयम बाळग । अपयश जाणार ॥

यश येणार । ध्येय गाठण्यासाठी ॥

चल ऊठ आता । ध्येयपुर्तीची आस धर ।। 

मनाची तयारी कर । संघर्षासाठी ।।