धन्य ती भाऊसाहेबांची जन्मभूमी

भाऊसाहेबांच्या जन्माने ही पावन झाली धरणी|

महाराष्ट्राच्या परिवर्तनाची त्यांनी मांडली विचारसरणी||

ज्वलंत त्यांचे विचार कार्य आहे आज अमर|

भाऊसाहेबांच्या पुण्याईने मिळाला कित्येकास आधार||

जागोजागी शिक्षणाची आज वाहते ज्ञान गंगा|

भाऊसाहेबांच्या दातृत्वाची किर्ती पोहचली या जगा||

जनामनातले निर्भीड नेते हिरे आहेत नामवंत|

भाऊसाहेबांच्या पदस्पर्शाने झाली मातृभूमी भाग्यवंत||

रक्तात त्यांच्या होती असीम देशभक्ती|

कष्टातून घडवली त्यांनी समाज जाणिवेची क्रांती||

गुणी उधार ते संस्काराचे मोती भाऊसाहेब होते|

संस्थेत त्यांच्या कला कसबाचे कलावंत आज नांदते||

उत्तर महाराष्ट्राचे शिल्पकार ते प्रिय भाऊसाहेब लाभले|

शेतकऱ्यांच्या कल्याणासाठी ते दिन रात जागले||

नाही थकले कार्यात, सदा नि:स्वार्थ निर्भीड लढले|

महाराष्ट्र अस्मितेचे असे प्रिय भाऊसाहेब आम्हा मिळाले||

सत्ता संपत्तीचे लोभी, नव्हते होते शब्दांचे ते धनी|

शाहू, फुले, आंबेडकरांचे कार्य भाऊसाहेबांचे लागले मनी||

धन्य ती भाऊसाहेबांची जन्मभुमी...|

त्यांच्या उदात्त कार्याला माझी सलामी.‌‌..||