देवांचा देव महादेव

देवांचा हा देव | शंभू महादेव |

पुण्याईची ठेव | पार्वतीची ||१||

त्रैलोक्याचा राणा | शंभू महादेव |

देवांचा तो देव | रुद्ररूप ||२||

नको करू स्तोम | दान दक्षिणांचे |

त्या प्रदक्षिणांचे | व्यर्थ सारे ||३||

हरी ओम मंत्र | सदा जप मनी |

पाप विमोचनी | होई भस्म ||४||

महारुद्र शिव | शंभो हरहर |

निलकंठेश्वर | भोलानाथ ||५||

आवड बेलाची | वहा निरंतर |

स्मरा अवांतर | शिवशंभो ||६||

ज्योतिर्लिंगांमध्ये | जागृत ठिकाण |

सर्वां त्याची जाण | सोमेश्वर ||७||

शुभंकरावरी | ज्याची असे श्रद्धा |

सरते विपदा | अखंडीत ||८||