चुकीची वेळ
चुकीची वेळ
1 min
271
डोळ्यातले अश्रु सांगतात
काय होतं,नातं तुझं माझं
दूर गेलास तर आठवायचं नाही
असं ठरलं नव्हतं , तुझं माझं !
ठरलेल्या गोष्टी तू मात्र
पाळल्यास कटाक्षाने,
मी मात्र कोलमडले
नसलेल्या तुझ्या विचाराने!
माझ्या डोळ्यात अश्रु येतात
अगदी तुझ्या आठवणीनेही !
तू मात्र निर्विकार , तटस्थ होतास
प्रत्यक्ष माझ्या दर्शनानेही!
झाला तो भाग्याचा खेळच होता,
चूक कुणाची? फक्त नशीबाची होती!
आयुष्य हा आठवणींचा मेळच होता
आपण भेटलो ती वेळच चुकीची होती!