चिऊताई चिऊताई

चिव चिव चिमणी चिऊताई

गोड गोड गावूनी गाणी

उंच आकाशी झेप घेई

पिल्लांसाठी दाणा पाणी

चिव चिव चिमणी चिऊताई

चिमण पाखरांची तुच राणी

रानी वनी दूरदूर जाई

घरट्यासाठी काड्या आणी

चिव चिव चिमणी चिऊताई

येगं राणी माझ्या अंगणी

 झाडे लावली पाखरां साठी

नको जाऊ दूरवर गगनी

चिव चिव चिमणी चिऊताई

चिमणा चिमणी राघो मैना

सदैव नांदो सुखात वाढो

नको करू गं आमची दैना

चिव चिव चिमणी चिऊताई

चिऊताई ला भेटण्याची मलाच घाई