चिऊ काऊ

चिऊताईची चिव चिव 

कावळ्याची कावकाव

काऊ म्हणे चिऊला 

आता भाव नको खाऊ

भांडण लागले जोराचे

पाहायला आले पोपटराव

मिठू मिठू करत म्हणाले

काय चालले तुमचे राव ?

तिकडून आली कोकिळा 

कुहू कुहू गात सुरात...

काय झाले काय झाले 

विचारते गोड गाणे गात...

मी आधी सांगेन म्हणत

दोघेही ऐकेनात

अजूनच रंगात आले भांडण

चिव चिव... काव काव...

कोकिळा वर अजूनच 

चिडले कावळेराव

दुखावली कोकिळा अन् 

निघाली लगेच पुन्हा गाणे गात 

चिऊ-काऊ काही ऐकेना 

भांडण काही मिटेना

मिठू मिठू करत पोपट म्हणाला 

फंदात पडलो उगाच राव