चित्तचोर

स्वप्नात मी रंगून गेले

प्रीतीत तुझ्या दंगुन गेले

मन माझे बहरुन गेले

तुझ्यात मी गुंतून गेले .

   

चेहऱ्यावरील रुळणाऱ्या बटांना

   गालावरील तुझ्या खळींना

   नयनात पापण्या उडतांना

   हरवून गेलो तुला पाहतांना.

मन माझे खट्याळ व्हावे

अलगद तुझ्या मनी विसावे

गालात गोड तुझ्या हसावे

प्रेमात चिंब- चिंब भिजावे.

   ना आवरता मोह प्रीतीचा

   झुळूक होवून मी वाऱ्याचा

   स्पर्शून चेहरा तुझा मोत्याचा

   चित्तचोर मी तुझ्या हृदयाचा.