छान दिवस ते सारे

किती छान ते बालपण

किती छान ती आठवण

आबा झालो जरी आता

नाही विसरलो बालपण

खूप खूप माणसे त्यावेळी

असायची हो घराघरात

पोरं करायची दंग मस्ती

खेळायची मस्त अंगणात

चोर-पोलीस, लपंडाव

शोधा शोध नि धावाधाव

हरेल खेळात जो ,तोच

फेडायचे मग सारे डाव

शाळेत खेळ खेळायचे

हूतूतू, ,खो -खो,फूटबॉल

विटी - दांडू, खेळतांना

मग वेळेचे भान नसायचे

धम्मक लाडू, चापट पोळी,

रंगीबिरंगी लिमलेटची गोळी

मामाच्या गावाला बैलगाडी

काकांच्या गावी झुकझुकगाडी

असे होते ते माझे बालपण

मनात त्याची रोज आठवण-------- ---