चाफा

चाफ्याचे झाड होते माझ्या अंगणात

त्याला लागायची पिवळसर फुले

रोज सकाळी असे एकच काम

फुलांसाठी जमा व्हायची मुले

पांढरट पिवळसर असलेली फुले

साऱ्या मुलांचे लक्ष वेधून घ्यायची

एक मुलगा त्या झाडावर चढून

एक एक फुल तोडून खाली फेकायची

झाडाखाली असायची बरीच मुले

ज्यांना मिळाली ते टोपलीत भरे

सारी फुले जायची देवाच्या मंदिरात

उरलेले कानावर लावून मिरवी सारे

चाफ्याचे झाड असायचे नाजूक

फारच हळुवार चढावे लागते

फांद्यावर जरा जोर पडला की

लगेच ती फांदी तुटून जाते

पावसाळा, हिवाळा वा असो उन्हाळा

या झाडाला लागतात बारमाही फुले

रोज सायंकाळच्या वेळी उमलतात

सकाळी फुलांना पाहून मन खुले