चाहूल पर्जन्याची
चाहूल पर्जन्याची
1 min
164
तप्त किरणे धरा तापवताना
अचानक येतो थंडसा गारवा
लक्ख प्रकाशी आसमंत सारा
हेरूनी चाहूल होतो सावळा
डोंगर दऱ्यात दौडत सुटतो वारा
धडकी भरवतो ढगांचा गडगडाट
घरी परततो पक्ष्यांचा थवा
नेत्री चमकतो विजांचा कडकडाट
वृक्षांची पाने फुले सळसळता
नाचतात मोर फुलवून पिसारा
आ वासून बसलेला चातक
मोजतो शेवटची व्याकूळ घटका
स्व अंश मिसळाया समुद्रात
ओढ असते थंडगार नभात
चाहूल टपोऱ्या थेंबांची लागता
लाटांना ही येते उधाण
चाहूल पर्जन्याची लागताना
निसर्ग देखील सज्ज होतो
स्वागत कराया मधू थेंबाचे
स्वाधीन करतो स्व देहाचे