बळीराजाची धांदल झाली
बळीराजाची धांदल झाली
1 min
176
लहरत विहरत बरसत आला
दूध भरल्या मेघांच्या धारा
वनावनातून मोर नाचती
फुलवुन अपुला छान पिसारा
दरवळे सुहास मृदू गंधाचा
आला पाऊस अमृताचा
पंखावरती थेंब मृगाचा
पक्षी विहरती गगनी साचा
ढवळ्या पवळ्या ची जोडी
हुंबरती शेतामध्ये
भिजुनी चिंब पाखरे
किलबिलती लपती पानांमध्ये
मृगाच्या पावसाने
जमिनीला वाफ धरली
पेरणी करण्यासाठी
बळीराजाची धांदल झाली