भुके संगे काय खाऊ ...
भुके संगे काय खाऊ ...
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
146
महागाई वाढली भाऊ
भुके संगे काय खाऊ
हाताला काम नाही
रोजंदारीला दाम नाही
कुणाच्या दरबारी जाऊ
भुके संगे काय खाऊ
वनवास जन्माचा पुजलेला
फास गळ्याला टांगलेला
न्याय मागण्या कुठे जाऊ
भुके संगे काय खाऊ
नुसती भाषणे होती
सारे आश्वासने देती
पैलतीरी नाव कशी नेऊ
भुके संगे काय खाऊ
जातीय दंगली हिंसाचार
सर्वत्र जुलूम अत्याचार
आक्रोश कुणाला ऐकऊ
भुके संगे काय खाऊ
काळोख चहूकडे दूर
नयनी आसवांचा पूर
कळेना आता कुठे जाऊ
भुके संगे काय खाऊ ...