बहीण पाठीराखी
बहीण पाठीराखी
सर्वांत मोठी बहिण भारती
तिच्या पाटची मिना नाव तिचे
मधला लाडोबा मीच बरं का
ज्योती, छाया नाव शेवटचीचे ||१||
उसतोडीला जायच्या मोठ्या दोघी
शाळा सातवीत सुटली कायमची
आम्ही तिघे होतो आजीसोबत गावी
लहानी स्वयंपाकात मदत करायची ||२||
भाऊ लाडका होता त्या चौघींचा
खाऊची वाटणी होती माझ्याकडे
खेळणी घे पण शाळा शिक म्हणायच्या
दुखल्यावर घालायच्या देवाला साकडे ||३||
बापाचा आधार दैवाने अर्ध्यात नेला
आईला हातभार बहीणींनी दिला
माझ्या शाळेचा खर्च मजुरीत केला
लग्नासाठी होती पुण्याई गाठीला ||४||
हट्ट नाही राखीला, ना भाऊबीजेला
सुख लाभू दे म्हणतात भाऊ तुला
माझं हे अस्तित्व आहे त्यांच्यामुळे
या चौघी बहीणीच पाठीराख्या मला ||५||