भाग्य पहाट झाली
भाग्य पहाट झाली
1 min
178
भाग्य पहाट झाली, दिंडी दारात आली ।
वैष्णवांच्या दर्शने, भेट विठूची झाली ।।धृ।।
संसारात शिणलो, धाव धाव धावलो ।
जिथे होते जायचे, तिथे ना पोहोचलो ।
पोहोचणार कैसा, वाट जिथे चुकली ।।
वैष्णवांच्या दर्शने, भेट विठूची झाली ।।१।।
जावे वाटे मनाला, विठ्ठलाच्या भेटीला ।
भव सागरी आला, जीव मेटाकुटीला ।।
विठ्ठल दर्शनाची, आस जीवा लागली ।।
वैष्णवांच्या दर्शने, भेट विठूची झाली ।।२।।
मुखाने जयघोष, विठ्ठलाच्या नावाचा ।
वाजे टाळ मृदंग, ठाव घेई मनाचा ।।
वैष्णवांना पाहून, थकावट पळाली ।।
वैष्णवांच्या दर्शने, भेट विठूची झाली ।।३।।