बाप

साधाभोळा दिलदार 

बाप तो रुबाबदार ||1||

कष्ट करून पोसले 

देवा समान भासले ||2||

नाव दिलीप तयांचे 

पिता प्रेमळ आमचे ||3||

छायाछ्त्र आम्हासाठी 

शक्ती दिली यशासाठी ||4||

यशवंत कीर्तिवंत 

व्यक्ती ते प्रतिभावंत ||5||

भेद ना मुलामुलीत 

सम ते वागणुकीत ||6||

निर्मळता स्वभावात 

द्वेष कधी कोणात ||7||

दैव दैवत मानिले 

सुख दुःखात लाभले ||8||

आशीर्वाद सदा दिला 

शिस्त सन्मार्ग दाविला ||9||

समाजात मान त्यांचा 

हात दिला मदतीचा ||10||

यशवंत ह्या पित्याची 

 दिपा लेक भाग्यवंत ||11||