बालगीत
बालगीत
1 min
172
बंडूची लाल बंडी
आईने मस्त धुतली
ती वाळत घातली
वार्याने ती उडाली.....
बंडी उडून पळाली
उंच उंच वर वर गेली
खांबाला ती अडकली
बंडूला फार मजा आली.....
आई बंडूला रागावली
"अरे,पाहतोस काय?"
पळ त्या मागे लवकर
नाहीतर ती मिळणार नाय.....
बंडू बंडीमागे धावला
काठी त्याच्या सोबतीला
काठीने बंडूने बंडी काढली
आई होती मागे दिमतीला....
झाली फजिती बंडूच्या बंडीची
आईने मग परत बंडी धुतली
बंडीला आता चिमटा लावला
आता बंडी वार्याने नाही उडाली.....